كلكو على بعضكم الخيانه فى دمكم والغدر منكم
اللى عامل مراته مقطف
واللى خايف حبيبته تعرف
واللى بينافس صحبه مين فى الخيانه احرف
ويا عينى علينا احنا يا بنات
ديما عايشين فى عذاب
وبرده راضيين بالشبكة
ويعملولنا كتب كتاب
يبقى معاكى ودماغو فى غيرك
وغيره دماغه معاكى
كلكم على بعضكم الخيانه فى طبعكم والغدر ده منكم
حددى انتى يا بنتى ياللى فاكرة ان المز ملاك
اخرك يا حبيبى شقه تنام فيها على السرير
يسوق الاحترام وفى ثانية الخشى يطير
مش مهم حبيبتك المهم تخون كتير
وتبقى بكدا مز تستاهل شهادة تقدير
كلكم على بعضكم الخيانه فى دمكم والغدر ده منكم
MAHE208
ملحوظة:: الموضوع ده ردا على موضوع واحد زميلى كتب على البنات بس برده لا انكر انى مأمنة بكل كلمة رديت عليه فيها
وهذا راى الشخصى..
اللى عامل مراته مقطف
واللى خايف حبيبته تعرف
واللى بينافس صحبه مين فى الخيانه احرف
ويا عينى علينا احنا يا بنات
ديما عايشين فى عذاب
وبرده راضيين بالشبكة
ويعملولنا كتب كتاب
يبقى معاكى ودماغو فى غيرك
وغيره دماغه معاكى
كلكم على بعضكم الخيانه فى طبعكم والغدر ده منكم
حددى انتى يا بنتى ياللى فاكرة ان المز ملاك
اخرك يا حبيبى شقه تنام فيها على السرير
يسوق الاحترام وفى ثانية الخشى يطير
مش مهم حبيبتك المهم تخون كتير
وتبقى بكدا مز تستاهل شهادة تقدير
كلكم على بعضكم الخيانه فى دمكم والغدر ده منكم
MAHE208
ملحوظة:: الموضوع ده ردا على موضوع واحد زميلى كتب على البنات بس برده لا انكر انى مأمنة بكل كلمة رديت عليه فيها
وهذا راى الشخصى..
17 comments:
التعميم فى المطلق مش صح فى اى حاجه فى الحياة زى ما فى حلو فى وحش
وبعدين الالفاظ الغريبه اللى فى الموضوع مش حلوه مش معنى انها حاجه بتتقال اليومين دول انها تبقى لغتنا
فيه رجاله عايزه الحرق و فيه رجاله محترمه و فيه ستات محترمه و فيه ستات عايزه الدبح ... الخيانه دى مش صفه اصيله مخلوق بيها حد منهم عن التانى و كمان مش اساسيه فى الانسان عموما .. مش معنى ان صاحبنا ده كتب كده عن بنت مثلا يبقى نرد علينا ان دى صفه الرجاله
فكره كمان ان البنات هم اللى علطول بيتجرحوا دى ممكن تكون مغلوطه .. يعنى اصلهم مش ملايكه برده و احنا اللى شياطين ... معنى كلامك ده برده ان عمر ما راجل انجرح مثلا من ست او انها كانت السبب فى فشل القصه .. اعتقد برده ان فى حالات بتبقى فيها الست هيه اللى جباره
فيه حاجه كمان اللى اتخان ده سواء راجل او ست اكيد شايل جزء من المسؤوليه لانه غيب عقله و مفكرش اكيد كانت فيه مؤشرات لده
بعيدا عن كل الظلال الرمادية ومن أجل رؤية أوضح
حقك تقولي كده
وحقي أقول
أنا مش معاهم
اولا رد على الاخت ميناس
كل واحد لية وجهة نظر
ثانيا حضرتك برده كل واحد ليه لغه سياتك مش عجباكى اللغه محدش جبرك تقوليهلا لكن كل انسان ليه الحق انه يتكلم بالطريقة اللى فاهمها وبتوصله وبيتعامل بيها مع الناس
وميرسىى جدا يا اخت
صح زى ما حضرتك قلت ان فيه رجاله عايزة الحرق والشنق كمان انا مع حضرتك فى النقطة دى
اما البنات ففعلا هما ضعفاء مش محتاجيين الدبح ولا حاجة
ولو تبص على كل العلاقات الفاشلة هتلاقى انه الجزء الاكبر من الرجل لانه من الاساس انسان فاشل مش واعى
وعذرا على التعميم اللى مدايقكم بس هى جدى الحقيقة الكل وليس الجزء
وحقى اقول ان حضرتك قلبتها بهاء سلطان بس فين بشرى؟؟؟
لو بصينا على الراجل فى الحياه عموما هنلاقيه بيمثل بالترتيب كده على مر الحياه من اول ما البنت بتكبر : الاب بعدين الاخ بعدين الراجل اللى المفروض هيبقى الزوج .. حضرتك اختصرتى ده كله فى الزوج و برده زوج خاين او فاشل يعنى النظره بالصلاه على النبى سوده و مهببه ... وكمان وصفتيه بانه انسان فاشل .. سؤالى بس هوه فاشل فى ايه ؟؟؟... البنت او المرأه مش كائن ضعيف و الضعف بيبقى بمزاجها المرأه كائن قوى جدا ... بس موصلتيش لدرجه هركليز وبعدين ياريت متاخديش من الكلام اللى يتماشى مع هواكى لو سمحت مش ناقص الناس تفهمنى غلط و الرجاله تقوم عليا انا ربطت الرجاله اللى عايزه الحرق بالستات اللى عايزه الدبح الاتنين موجودين على ارض الواقع ... الا صحيح انتى مشمعتيش عن الستات اللى بتتجوز اتنين و اكتر .. ايه رايك فيهم
لا حول ولا قوة الا بالله
الستات دول كائن خرافي
اختفى من زمان زي التنين
وطائر اللللللل
احنا نصيبنا كده ولازم نستحمل
يارب قوينا وصبرنا
ماشي قصدي ماهي خالف تعرف
!الله
أنا شوفت مدونتك بالصدفة واكتشفت إنك معايا علي نفس شبكة النت
تحياتي
اهلا بيك ليف يشرفنا وجودك
لا شور سمعت عن الستات اللى بتتزوج اتنين وعشرة كمان
بس بتتزوج مش بتخون ولا اية
وبعدين ده مش مواضعى ايش دخل ده فى اللى قلته
انا فعلا معاك يا استاذ حلاوة انت فى رايك البنات انقرضتت
وانا فى راى انا الرجاله ماتو فى الحرب
بقى رجاله بالاسم وليس بالفعل
اهلا بيك ليف يشرفنا وجودك
يظهرش موصلش كويش اللى عايزه اقوله ..بيتجوزوا اتنين مع بعض ف نفس الوقت و الاتنين عايشين .. ايه رايك ؟؟؟
اهلا بيك ليف يشرفنا وجودك
الصراحة مش قادرة اوصل للعايز توصله ازاى يعنى بيتجوزا اتنين مع بعض هو طلع قانون جديد او ديانه اباحت بكدا
بتهيقلى لا
ولو اللى بتقول عليه يبقى قصد حضرتك على الخيانه وهى اكيد موجودة
بس بيبقى ليها دافع يعنى جوزها يخونها تقوله وانا هخونك والافلام الابيض والاسود المصرية دى
واكيد انا مش معاه لانها مش صح
لكن الرجل بيخون الخياته متأصله فى دمه عيونه مش بتتملى لو مين اللى ماشى معاه
هى كدا عينه فراغة ودى معروفة منذ الازل انه الرجل خاين بالفطرة
حقيقى انتى مستفزة ربنا يهديكى
Post a Comment