ظلمتك وظلمت نفسى
ما انا بحبك
بس مش قادرة ارجعلك
مش قادرة انسى جرحك
ايوة بحتجلك
بس ضاع من قلبى حبك
بس لاسف لسه بحبك
نفسى انسى
اكيد هنسى
بس ازاى انسى وانت اول حب ليا
اول عمر ليك وليا
كنا تايهين ملناش طريق
وجمعا بالصدفة طريق
وبقى مصيرنا واحد
وفجأة اتفرقت مصيرنا
بذنب مين مش مهم
انا ظلمتك انت ظلمتنى
مش ده الاهم
وبعد الجرح والشرخ اللى فى القلب
والسد اللى اتبنى
وبعد ده كله تقولى
نرجع وانك اشتقت
منكرش انى بحبك بس مين يهد السد؟؟؟؟؟؟؟
والخوف اللى ملىء القلب؟؟؟
الخوف مش منك الخوف من غدرك
وكل ده لية
ما احاول انسى وابنى السد
بقلب يحب ويحب بجد
mahe208
9 comments:
اللى بيحب قوى
هو
اللى لما ينجرح
بينجرح قوى
إهي يا عم الحاج انت مش عارف إني بعلق أول واحد ولا احنا بنعمل إيه فين؟؟
مرحبا بالعودة يا فندم
ربنا يوفقك فـ المذاكرة
بوست يحمل احساس عالي من الكرامة
لكن سمعت واحد بتاع بليلة بيقول إنه لا كرامة في الحب... واللي بيحب بجد ما يعرفش يقسى... إلا إذا انجرح بجد ...حلو موضوع الخواطر بتاعك ده ... بس خلي فيها شوية أكشن ... فرفشة وضحك يعني وبوليس قبض ع الواد اللي بنحبه ف خيالنا علشان خالته طلعت بتبيع مخدرات ... وكده يعني
معلش اللى ما يعرفك يجهلك
أرجوالمعذرة
اعتقد ان النسيان حاجة مش سهلة
بس لازم ييجي
غصب عنا
هو زي خلع الضرس مؤلم وبيجيب دم
بس وجع ساعة ولا كل ساعة
وخدي بالك لما تخلعي ضرسك الألم بيروح
بس بيفضل مكانه فاضي.. بيفكرك دايماً بألم سابق
تبصي في المرايا.. تحطي لسانك على المكان الفاضي.. تبتسمي.. تفتكري.. تهزي دماغك.. تمشي من قدام المرايا
تنسي
وكل شوية تمدي لسانك وتتحسسي مكان الضرس.. لكن خلاص.. الدروس كتير شغالة
ربنا يوفقك
اكيد اللى بيحب هو اللى بينجرح
بس برده الاكيد انه يتعلم من جرحه
ويحاول يقوى بيه مش يضعف ابدا
ميرسى على ردك
معلش سكايار حقك عليا المرة الجاية تبقى الاول
وبعدين الاول ولا الاخير المهم اضفتك
وبعدين وربنا لسه ما بدات مذاكرة ولا حاجة
بس هى كانت النفسية متحطمة شويه
بس الحم لله عدنا من جديد
وبعدين ايه بتاع بليلة ده
اكيد مفيش كرامة فى الحب لما يكون حب بس لمل اللى بتحبه هيجيى عليك ميت مرة اكيد هتظهر الكرامة
وده مش معناه انها مش كانت موجودة لا كانت موجودة بس اى طرف من الطرفين كان بيعديها عشان المركب تمشى بس
واكيد اللى بيحب مهما شاف وعاش ميعرفش يقسى
لان كان الشخص اللى جرحك وجه عليك كنت فى يوم حبيبه وكل واحد مش لازم ينسى حلو الحب واكيد مكنش كله عذاب سورى على الاطالة
ميرسىىى جدا لمتبعتك
اكيد النسيان حاجة مش سهلة بس الحمد لله ان ربنا جعل لينا النعمة دى
واكيد الواحد بيتعلم من اخطاءه عشان معتش يغلط تانى ويختار صح حتى لو كان بعد االم وجرح بس المهم الدرس اللى كل واحد مر بتجربة انه يطلع به واكيد مش فى الحب بس
وميرسى جداا على الرد
عودا حميدا ولو انها متأخره حبتين
الحب شئ جميل ف حياتنا .. بس ياريت و احنا بنمر ف الشعور ده بنغيبش عقلنا منحاولش نوقفه بايدينا .. فى كل حالات الحب .. حب الصاحب و الصديق مرورا بشتى انواع الحب انتهاءا بحب شريك العمر لازم نعقلها
السلام عليكم
معلش انا متاخر قوي في الرد علي الموضع
حبيت ااقول رائي في الحوار ده
الي بيحب عمره ما يكره ولازم تكون نفسه مسامحه للي كان في يوم حبيبه ويحاول علي قد ما يقدر ما يكره او يفتكر له الحجات الوحشه الي عملها فيه ويفتكر له ديما الحاجات الحلوه والذكريات الجميله ، لان بجد لو افتكر له الذكريات الوحشه هو الي حيضايق والي حيتعب
، مقدرش ااقولك انسي بس حولي تدوري علي حب جديد ينسيكي الحب القديم
امضاء
ماااازن
Post a Comment